老人牌送到手上前無綫主播鄭萃雯：金牌係真㗎！

【蘋果日報】前無綫新聞主播鄭萃雯（Karen）喺今年7月離開離巢外闖，本來佢轉咗去職業訓練局做公關，不過呢份工返咗冇耐，佢又有新去向！日前Karen接受《蘋果》訪問，佢承認轉咗去一間醫療公關公司度做，佢話：「o依家去咗一間醫療公關度做，主要做啲拍片同production工作，都幾得意，所以係緣份嚟架！」
昨日Karen又喺fb更新近況，佢話：「燈登簦凳！！！！俾大家見下傳說中嘅十年牌！呢塊金牌係真㗎！離咗職之後，舊東家都好『均真』，呢兩日送番呢個代表服務咗十年的『青春牌』俾我！學柴九哥話齋：『人生有幾多個十年？』我都係用左幾個啫！仲有好幾個十年等緊我去闖呀！！#人人話呢塊叫老人牌　#但明明佢代表緊我的青春　#我的青春含金量好高　#999千足純金」
有網民留言話：「一寸光陰一寸金、寸金難買寸光陰」，Karen就回覆話：「只要每日過得無悔、過得開心就得啦！」