宇宙巨G.E.M.收通知太空漫遊計劃告吹

【蘋果日報】記唔記得，「宇宙巨G.E.M.」鄧紫棋曾經計劃到漫遊太空，仲去到阿姆斯特丹接受航空訓練？呢件事，一講原來已經講咗3年。


當大家都漸漸遺忘呢件事嘅時候，原來有咗新進展，G.E.M.昨晚同麥浚龍、周柏豪、鄭希怡、連詩雅、鄧紫棋、徐濠縈、黃偉文同馬天佑等人喺中環出席活動，佢話最近收到email通知，太空一事唔成功，冇得做太空人，佢話：「其實好多人努力先做到，過程係有阻滯，對未來抱希望，資金、技術問題永遠唔會知，但唔會擔心。」噢！


G.E.M.啱啱喺紐西蘭拍完《12道鋒味》返香港，佢話呢次去咗6日，提到佢煮番茄炒蛋弄響警鐘，G.E.M.話：「霆鋒已經解開咗疑團，因為我用咗椰子油，沸點低，我又無抽油煙，所以警鐘響。」問G.E.M.廚藝係咪已經達世界級？佢就話過程雖然好地獄，但霆鋒都話好神奇，食完想再食，所以佢唔會再理會大家取笑，因為鋒味大廚都讚好味。