新聞類別
娛樂
詳情#
【蘋果日報】
【銅鑼灣】江若琳今年4月宣佈跟「生煎包王子」蕭潤邦（Oscar）拍拖後，戀情日日升溫，甜蜜程度有增無減。素顏江若琳日前又與Oscar孖咇出巡銅鑼灣時代廣場，男的穿白恤衫，女的配白底黑間tee，但同時穿着情侶波鞋。
當日6時許，高大的Oscar先被發現出現地庫的商店，轉眼即見到戴cap帽遮樣的素顏江若琳出現，兩人主攻日用品，並有商有量，眼利的江若琳很快發現被偷影，即擰歪面避鏡頭，跟男友買完東西速閃。他們坐扶手電梯離開，江若琳全程耷低頭，但他們都禮貌向鏡頭揮手打招呼。
激讚夠貼面
兩人欲急步往停車場取車，身高六呎二吋的Oscar一直搭着女友江若琳膊頭，他的右長臂忽有所行動，伸五指掩着江若琳的小臉，以「人肉巴掌口罩」為女友護航，Oscar同時向記者說：「佢今日冇化妝，拜拜。」
江若琳日前接受電話訪問時說：「以前我都有戴口罩先出街，但公開咗都冇戴了。嗰日我剛去做完facial，跟住去買少少女人嘢，我冇化妝，見到記者反應咪咁大。」江若琳又大讚Oscar：「佢係多功能男友，有安全感，佢係我保鑣、柴可夫、仲有會幫我擋鏡頭，佢高度啱啱好，佢嘅『人肉巴掌口罩』好夠貼面，素顏都冇有怕。」
捉裕美試食
此外，Oscar的食肆昨推出新口味生煎包，日前他到時代廣場附近玩街頭試食，卻撞正單拖裕美出現，Oscar即遞上美食，裕美邊吃邊停步吹水。裕美新戀情曝光，出街特別留神，試吃完離開時都不忘周圍望可有再被偷拍。
採訪、攝影：陳杰、吳耀輝、梁繼光
【銅鑼灣】江若琳今年4月宣佈跟「生煎包王子」蕭潤邦（Oscar）拍拖後，戀情日日升溫，甜蜜程度有增無減。素顏江若琳日前又與Oscar孖咇出巡銅鑼灣時代廣場，男的穿白恤衫，女的配白底黑間tee，但同時穿着情侶波鞋。
當日6時許，高大的Oscar先被發現出現地庫的商店，轉眼即見到戴cap帽遮樣的素顏江若琳出現，兩人主攻日用品，並有商有量，眼利的江若琳很快發現被偷影，即擰歪面避鏡頭，跟男友買完東西速閃。他們坐扶手電梯離開，江若琳全程耷低頭，但他們都禮貌向鏡頭揮手打招呼。
激讚夠貼面
兩人欲急步往停車場取車，身高六呎二吋的Oscar一直搭着女友江若琳膊頭，他的右長臂忽有所行動，伸五指掩着江若琳的小臉，以「人肉巴掌口罩」為女友護航，Oscar同時向記者說：「佢今日冇化妝，拜拜。」
江若琳日前接受電話訪問時說：「以前我都有戴口罩先出街，但公開咗都冇戴了。嗰日我剛去做完facial，跟住去買少少女人嘢，我冇化妝，見到記者反應咪咁大。」江若琳又大讚Oscar：「佢係多功能男友，有安全感，佢係我保鑣、柴可夫、仲有會幫我擋鏡頭，佢高度啱啱好，佢嘅『人肉巴掌口罩』好夠貼面，素顏都冇有怕。」
捉裕美試食
此外，Oscar的食肆昨推出新口味生煎包，日前他到時代廣場附近玩街頭試食，卻撞正單拖裕美出現，Oscar即遞上美食，裕美邊吃邊停步吹水。裕美新戀情曝光，出街特別留神，試吃完離開時都不忘周圍望可有再被偷拍。
採訪、攝影：陳杰、吳耀輝、梁繼光
回應 (0)
