新聞類別
娛樂
詳情#
【蘋果日報】【我老公係發哥連載系列10之為善最樂】周潤發跟發嫂陳薈蓮對生活要求平實，發嫂直言一碗白飯、加腐乳與黑豉油，也可以是美味一餐，快樂可以好簡單。發嫂作為周家的財政大臣，對於發哥近20億身家，守財有道。比起窮得只剩下金錢的富豪，發嫂跟發哥會將全部家財捐出，幫助有需要的人，發嫂表示「慈善基金已經搞掂，會百分之一百捐晒」。
要先學懂愛惜自己，才可以有能力愛惜身邊人，這是發嫂陳薈蓮注重身體健康的理由之一。發嫂跟發哥周潤發經常出入高級場所，但發嫂要求的是早午晚三餐只要有飯落肚就夠，發嫂說：「早餐都係煮碗飯食，我可以一個飯撈黑豉油同腐乳都夠，我哋冇飯唔掂，因為飯畀好多energy你。午餐乜嘢都食，反而晚餐好簡單，不過老公會食多啲肉類嘅嘢，我就唔鍾意，唔關diet（節食）嘅問題，係本身自己唔鍾意，但飯一定係要食，中醫都會講，有飯氣去廁所會好啲。」
發哥發嫂飲食有道，起居作息亦有時，是他們夫婦養生之道，發嫂笑着補充：「我就6點起身，發哥都係差唔多，有時佢要去跑步，就5點半啦！發哥10點幾就瞓，我就夜少少。」身形越見清瘦健康的發嫂，並不是只靠運動保養，講到底最重要的是回歸基本，要有足夠休息及睡眠，她說：「係靠好多嘢，唔係單一個運動就可以，牽涉你有冇夠休息呀，食嗰方面呀！身心要輕鬆、愉快，好多嘢囉！」
身家達20億
發哥與發嫂膝下無兒無女，每部電影片酬動輒數千萬元的發哥來說，身家累計已達20億元，坐擁龐大資產的發哥早前已表示，有意在過身後將財富全部捐出來做慈善。原來發哥已經坐言起行，去年他已吩咐發嫂全權負責成立一個名為周潤發慈善基金，發嫂回應說：「個慈善基金已經搞掂咗！會百分之一百捐晒出去，因為屋企人平日已經照顧晒，成立個慈善基金嘅目的就係要幫真係有需要嘅人。」
曾有周刊拍到發哥與發嫂跟一位年約20歲的年輕男生逛街，報道指該男生是二人的養子，發嫂澄清道：「嗰個係我個妹嘅仔嚟！我妹個仔早排來港工作，住我屋企，所以咪成日同我哋出出入入囉。」
冇退休計劃
發嫂一直熱愛自己的祖國新加坡，有否想過退休後，夫婦到新加坡定居，她說：「唔使嗌啦，佢覺得舒服咪返囉！退休對我嚟講應該唔會啦！因發哥好鍾意演戲，應該冇退休計劃，佢唔退嘅話，我只有跟佢一齊做囉！其實住咗香港咁多年，已經適應晒，不過每年我都會返新加坡探親，因為會掛住屋企人，仲有就係最掛住係美食。我鍾意食辣，由細細個到大都好回味新加坡美食！」
記者：陳月媚、倩宜、吉吉
攝影：郭賢興、陳順禎
髮型：Byron Ho、Louis of Hair Culture
化妝：Fiona To
要先學懂愛惜自己，才可以有能力愛惜身邊人，這是發嫂陳薈蓮注重身體健康的理由之一。發嫂跟發哥周潤發經常出入高級場所，但發嫂要求的是早午晚三餐只要有飯落肚就夠，發嫂說：「早餐都係煮碗飯食，我可以一個飯撈黑豉油同腐乳都夠，我哋冇飯唔掂，因為飯畀好多energy你。午餐乜嘢都食，反而晚餐好簡單，不過老公會食多啲肉類嘅嘢，我就唔鍾意，唔關diet（節食）嘅問題，係本身自己唔鍾意，但飯一定係要食，中醫都會講，有飯氣去廁所會好啲。」
發哥發嫂飲食有道，起居作息亦有時，是他們夫婦養生之道，發嫂笑着補充：「我就6點起身，發哥都係差唔多，有時佢要去跑步，就5點半啦！發哥10點幾就瞓，我就夜少少。」身形越見清瘦健康的發嫂，並不是只靠運動保養，講到底最重要的是回歸基本，要有足夠休息及睡眠，她說：「係靠好多嘢，唔係單一個運動就可以，牽涉你有冇夠休息呀，食嗰方面呀！身心要輕鬆、愉快，好多嘢囉！」
身家達20億
發哥與發嫂膝下無兒無女，每部電影片酬動輒數千萬元的發哥來說，身家累計已達20億元，坐擁龐大資產的發哥早前已表示，有意在過身後將財富全部捐出來做慈善。原來發哥已經坐言起行，去年他已吩咐發嫂全權負責成立一個名為周潤發慈善基金，發嫂回應說：「個慈善基金已經搞掂咗！會百分之一百捐晒出去，因為屋企人平日已經照顧晒，成立個慈善基金嘅目的就係要幫真係有需要嘅人。」
曾有周刊拍到發哥與發嫂跟一位年約20歲的年輕男生逛街，報道指該男生是二人的養子，發嫂澄清道：「嗰個係我個妹嘅仔嚟！我妹個仔早排來港工作，住我屋企，所以咪成日同我哋出出入入囉。」
冇退休計劃
發嫂一直熱愛自己的祖國新加坡，有否想過退休後，夫婦到新加坡定居，她說：「唔使嗌啦，佢覺得舒服咪返囉！退休對我嚟講應該唔會啦！因發哥好鍾意演戲，應該冇退休計劃，佢唔退嘅話，我只有跟佢一齊做囉！其實住咗香港咁多年，已經適應晒，不過每年我都會返新加坡探親，因為會掛住屋企人，仲有就係最掛住係美食。我鍾意食辣，由細細個到大都好回味新加坡美食！」
記者：陳月媚、倩宜、吉吉
攝影：郭賢興、陳順禎
髮型：Byron Ho、Louis of Hair Culture
化妝：Fiona To
回應 (0)
