鄧麗欣打自己《空手道》票房唔爭氣

【蘋果日報】鄧麗欣（Stephy）、樂基兒（Gaile）、監製伍健雄、導演火火噚晚喺尖沙嘴出席新片《女士復仇》首映禮，何傲兒、戴夢夢同老闆林建名都有現身支持。一向產量唔多嘅Stephy，同時間有《女士復仇》、《空手道》兩部電影推出，佢坦言宣傳方面有啲尷尬位，例如呢個導演想佢post啲嘢宣傳，另一部戲又上緊。至於《空手道》票房麻麻，Stephy承認：「暫時爭少少，但入座率唔係成敗一切，最緊要觀眾睇完有高嘅評價同口碑。」有冇失望？佢話：「冇諗過票房，相反阿澤（杜汶澤）話如果成績唔好係對我唔住，我覺得已經成功咗，佢喺我心目中才華洋溢，係票房買唔到。」
Gaile開心被打
Gaile喺《女士復仇》中有唔少親熱場面，佢話老公唔會介意，第一次做打女，Gaile話：「我被人打好多，但拍得舒服開心，大家好像family。」之後佢會主力籌備烹飪書、模特兒工作。