周柏豪泊車阻旅巴被寸

【蘋果日報】周柏豪昨日駕駛Ford野馬戰車到佐敦德興街，怎知因停泊問題阻塞後面的旅遊巴，被人影相擺上「馬路的事討論區」，留言嘲諷：「有名你叫，周圍泊車嘅豪哥。」本報致電向柏豪了解，他說：「冇乜好回應，好無聊一件事。我睇住嗰個人影，冇乜特別回應。」


問到座駕是否阻街？柏豪否認：「冇吖，嗰度係酒店位落客區，旅遊巴落客箒嘛，我停咗喺度，嗰度唔係雙黃線，嗰度係停到車，咁我阻人咪走囉。」被人擺上網有否不開心？柏豪抵死說：「冇呀，希望佢開心啦，網上嘅嘢都係玩嘅啫，我都冇幫架車影過相，所以我都會keep番張相。不過都提醒各位，嗰個位可能難過啲，大家都泊好啲。」


採訪：皓騫