新聞類別
娛樂
詳情#
【蘋果日報】黎美言（Winkie）、陳蕊蕊、彭慧中及「藍莓」劉俐，前晚在觀塘出席面包台新節目《女人私密》記者會，她們指節目內容盡是爆料，包括嘉賓和主持本身的情史，今集請來林作擔任嘉賓，Winkie和蕊蕊異口同聲指不認識林作，但已做好資料搜集：「我哋會好deep鑽窿問到底，關於佢同麥明詩嘅感情事。」林作雖曾是大律師，不過四位主持自言不會有壓力：「好彩我哋四對一，真係要感受吓佢嘅口才。」身穿低胸裝的Winkie更笑言會嘗試施以誘惑手段，讓他鬆口。而林作就保持伶牙俐齒作風，反譏擔心主持提問不夠尖銳：「你知我口才都有啲辣，希望佢哋問到啲堅揪嘢啦！點答係喺我把口度嘅。我其實都係唔答，答親都冇好下場。」
身體好誠實
林作坦言試過老實回答，最後得到的只有負評，所以盡量控制只講其他女人。問到會否準備分享追女心得？林作笑說：「我一出世已經準備好喇。」談到Winkie施展誘惑魅力，他笑說：「呢啲一定要畀面，唔畀就違反市場，大腦思考，身體已經好誠實，把口就會鬆啲想講嘢。監製有冇話可唔可以追四個女仔？等我一開波就去抄牌先。」
林作口才了得，絕對勝任主持同類節目，但他自嘲：「我依家做親乜都冇好反應，做乜都衰，不過畀啲時間啦。」節目中，林作接受「娶唔娶到有錢老婆」的測試，結果指他「鹹濕」，林作直認：「冇爭議。」
蕊蕊講金剛
此外，蕊蕊表示收到命令，節目中必須暢所欲言：「我唔介意提金剛，反正都講咗咁耐。我遇到嘅對象都OK，只係唔可以一齊落去。」Winkie早前曾自爆出現心儀對象，問到會否在節目中分享？她說：「我驚講咗出嚟，件事明明係得嘅都變咗唔成功，所以都係低調啲。」
採訪：卓寶花
攝影：仇志德
身體好誠實
林作坦言試過老實回答，最後得到的只有負評，所以盡量控制只講其他女人。問到會否準備分享追女心得？林作笑說：「我一出世已經準備好喇。」談到Winkie施展誘惑魅力，他笑說：「呢啲一定要畀面，唔畀就違反市場，大腦思考，身體已經好誠實，把口就會鬆啲想講嘢。監製有冇話可唔可以追四個女仔？等我一開波就去抄牌先。」
林作口才了得，絕對勝任主持同類節目，但他自嘲：「我依家做親乜都冇好反應，做乜都衰，不過畀啲時間啦。」節目中，林作接受「娶唔娶到有錢老婆」的測試，結果指他「鹹濕」，林作直認：「冇爭議。」
蕊蕊講金剛
此外，蕊蕊表示收到命令，節目中必須暢所欲言：「我唔介意提金剛，反正都講咗咁耐。我遇到嘅對象都OK，只係唔可以一齊落去。」Winkie早前曾自爆出現心儀對象，問到會否在節目中分享？她說：「我驚講咗出嚟，件事明明係得嘅都變咗唔成功，所以都係低調啲。」
採訪：卓寶花
攝影：仇志德
回應 (0)
