新聞類別
娛樂
詳情#
【蘋果日報】漫畫教父黃玉郎今年8月被爆將再做老襯，為咗35歲女友Cass包夜場慶生兼跪地求婚。噚日有周刊報道黃玉郎前妻倪詩蓓，捬同患有嚴重自閉症嘅17歲囝囝Royce，回港定居，仲計劃出書講述照顧自閉兒嘅辛酸。
倪詩蓓係80年代女星，今年51歲，當年有報道指佢係張國榮嘅初戀，因女方要到台灣發展，拍拖兩年分手。99年倪詩蓓同黃玉郎結婚，婚後生活低調，亦因為囝囝Royce離開香港。
出書分享
報道指，倪詩蓓當年發現囝囝患有嚴重自閉症之後，獨自帶佢到醫療設備較好嘅新加坡定居，06年同黃玉郎離婚。獨自喺新加坡照顧Royce多年，倪詩蓓話前年自己不勝負荷，高血壓令佢出入醫院5次，去年跌傷，要用枴杖十個月。最近佢喺香港幫囝囝搵到寄宿學校，所以就返香港定居。倪詩蓓話囝囝一星期有五日喺學校，周末周日先返屋企，所以多咗時間寫書，分享吓照顧自閉兒嘅經驗。
講到囝囝，倪詩蓓可以無所不談，但絕口不提前夫黃玉郎，連對方個名都不願多提。但講到逝世多年嘅舊情人張國榮，倪詩蓓就話張國榮放工後就會着人字拖同佢去街，後來佢去台灣發展就好自然咁分開咗。
撰文：馮仁昭
倪詩蓓係80年代女星，今年51歲，當年有報道指佢係張國榮嘅初戀，因女方要到台灣發展，拍拖兩年分手。99年倪詩蓓同黃玉郎結婚，婚後生活低調，亦因為囝囝Royce離開香港。
出書分享
報道指，倪詩蓓當年發現囝囝患有嚴重自閉症之後，獨自帶佢到醫療設備較好嘅新加坡定居，06年同黃玉郎離婚。獨自喺新加坡照顧Royce多年，倪詩蓓話前年自己不勝負荷，高血壓令佢出入醫院5次，去年跌傷，要用枴杖十個月。最近佢喺香港幫囝囝搵到寄宿學校，所以就返香港定居。倪詩蓓話囝囝一星期有五日喺學校，周末周日先返屋企，所以多咗時間寫書，分享吓照顧自閉兒嘅經驗。
講到囝囝，倪詩蓓可以無所不談，但絕口不提前夫黃玉郎，連對方個名都不願多提。但講到逝世多年嘅舊情人張國榮，倪詩蓓就話張國榮放工後就會着人字拖同佢去街，後來佢去台灣發展就好自然咁分開咗。
撰文：馮仁昭
回應 (0)
