【小花接旨】黃心穎：可能新同事唔夠膽講

【蘋果日報】無綫忽然向旗下女藝員下禁奶令，一眾藝人都力撐，非常聽話。
高海寧：以後着泳衣外面可以加T-shirt，覺得更加舒服，更加尊重女藝人。
黃心穎：未遇過要求特別性感，令我唔舒服我就會夠膽講，可能啲新同事唔夠膽講，呢個policy可以保護佢哋。
朱千雪：我平時都好少性感，如果拍戲拍劇有啲親暱鏡頭可以借位或者冇咁多，對女演員都係好事。
龔嘉欣：有時拍戲同拍劇難免有性感演出，係因應劇情需要，我覺得某程度係可以接受。
何雁詩：係保障藝人，始終香港唔同外國咁多電視台選擇，有image係啱。
李佳芯：女藝人唔一定只可賣弄性感，仲有好多其他可能性，而且都應愛惜自己身體。
沈卓盈：一路以嚟拍劇嘅造型都係公司安排，今次出發點都係想保護女藝人。
朱晨麗：我相信呢個指引係想保護啲女藝人，我覺得健康地性感仲好！
張繼聰：尊重電視台做法，要拿揑同平衡，沙灘着樽領又唔啱嘅。