新聞類別
娛樂
詳情#
【蘋果日報】余文樂日前啱啱過咗36歲生日，佢嗰位台灣「皮帶大王」千金女友王棠云（Sarah）當然嚟咗香港陪佢過生日，仲親手整蛋糕同佢慶祝。Sarah前日喺中環行街，之後去咗中建大廈樓上嘅診所，快閃睇醫生，但係就未見樂仔嘅蹤影。
辣跑去觀塘
Sarah人肉速遞嚟陪樂仔，樂仔當然心情好，噚日大概下晝2點，佢就獨自揸住部林寶堅尼辣跑，喺淺水灣寓所出車，同行未見女友。樂仔警覺性非常高，火速發現有傳媒追訪，於是佢一支箭揸咗架車去觀塘某幢商廈，到達時已有女助手喺停車場會合佢。
記者問樂仔係唔係同Sarah結婚，佢就笑笑口否認：「冇冇冇，係就會通知傳媒。」再追問Sarah係咪睇醫生有BB，佢就否認，仲解釋番女友日前睇醫生嘅事，樂仔話：「佢係陪女朋友睇，唔係佢睇。」心情好好嘅樂仔仲講笑，話記者嚇怕佢女友。
越愛越高調
其實樂仔同Sarah拍拖一年幾，二人成日台灣、香港兩地互飛外，仲一有時間就去拍拖旅行，去年底去美國，今年9月去倫敦工作時，樂仔帶埋女友同行，再直踩巴黎。二人愛得越來越高調，樂仔亦不時喺Instagram貼十指緊扣相，不過都限於見背面，但到今年10月頭，佢就公然帶女友去深圳睇NBA任影。
撰文：馮仁昭
辣跑去觀塘
Sarah人肉速遞嚟陪樂仔，樂仔當然心情好，噚日大概下晝2點，佢就獨自揸住部林寶堅尼辣跑，喺淺水灣寓所出車，同行未見女友。樂仔警覺性非常高，火速發現有傳媒追訪，於是佢一支箭揸咗架車去觀塘某幢商廈，到達時已有女助手喺停車場會合佢。
記者問樂仔係唔係同Sarah結婚，佢就笑笑口否認：「冇冇冇，係就會通知傳媒。」再追問Sarah係咪睇醫生有BB，佢就否認，仲解釋番女友日前睇醫生嘅事，樂仔話：「佢係陪女朋友睇，唔係佢睇。」心情好好嘅樂仔仲講笑，話記者嚇怕佢女友。
越愛越高調
其實樂仔同Sarah拍拖一年幾，二人成日台灣、香港兩地互飛外，仲一有時間就去拍拖旅行，去年底去美國，今年9月去倫敦工作時，樂仔帶埋女友同行，再直踩巴黎。二人愛得越來越高調，樂仔亦不時喺Instagram貼十指緊扣相，不過都限於見背面，但到今年10月頭，佢就公然帶女友去深圳睇NBA任影。
撰文：馮仁昭
回應 (0)
