傷眼後患重感冒古天樂搏命拍戲　椎間盤移位

【蘋果日報】古天樂、鄭嘉穎、張智霖跟鄧麗欣（Stephy）等前晚在銅鑼灣出席電影《L風暴》煞科宴，古仔早前因為拍戲被插傷眼，眼球需要縫針，雖然前日他已經不用再戴太陽眼鏡，但依然一臉病容，他說：「嚴重感冒，之前喺紐西蘭拍外景，突然天氣凍到落雪，所以病咗，已經睇咗醫生食咗藥，前一日直情失聲。」
「瞓又唔得」
除此之外，古仔還飽受椎間盤移位之苦，導致腰痛得相當厲害，他說：「瞓又唔得，坐又唔得，淨係可以企，醫生話係同拍動作戲勞損有關，其實一年都會有一、兩次，一轉天氣就會，休息幾日就冇事。」不過稍後他要到馬來西亞為新戲開工，當中有不少動作場面，他直言到時有些動作未必做到，但會盡做。
嘉穎撐女友
鄭嘉穎被問到女友陳凱琳早前被指登機有特權時，他笑說：「爆料嗰位小姐應該分清楚特權同消費者權利係兩回事，買乜嘢價錢嘅機票咪得到乜嘢權利同服務。」對於無綫頒發「禁奶令」，嘉穎自言是受害者：「大家豈不是少咗嘢睇？希望唔好似秋生話港姐要着潛水衣咁，我都好期待睇明年港姐會點。」
Stephy表示明年都以電影為主，更指題材和尺度可以開放一點，她說：「唔好全裸，半裸可能係露背，暫時係咁，或者年紀再大啲再考慮。」
採訪：曹家誠
攝影：陳俊強