新聞類別
娛樂
詳情#
【蘋果日報】吳宇森翻拍電影《追捕》，向當年演過原版《追捕》嘅高倉健致敬。新版《追捕》由福山雅治同張涵予主演，將於後日上映。吳宇森話好鍾意60、70年代電影，佢日前喺澳門受訪時話：「當時全世界，甚至香港電影都係創新，反而依家好多戲冇深度，好多荷李活戲都係大堆砌特技，唔值得追憶回味。」
同張涵予對比
《追捕》講述做警察嘅福山，追捕被陷害嘅通緝犯張涵予，吳宇森話：「福山同我以往拍嘅周潤發好接近，溫文爾雅嘅風度、冷靜、人性化同感性。」他對福山讚不絕口：「威尼斯影展播放時，啲人睇佢好似睇周潤發，西方觀眾好熟識周潤發嘅風采、幽默感，周潤發做嘅嘢佢哋會笑，要有咁上下氣質同風度，福山有佢嘅吸引力，佢雖然有正義感，但唔係咁容易流露，所以想搵人性化嘅警探。」吳宇森話福山剛柔並重，同張涵予拍埋有強烈對比。
戲中有雙槍、白鴿嘅畫面，完全係吳宇森一貫風格：「拍完《赤壁》同《太平輪》後，我覺得應該走番自己風格，啱啱接到《追捕》令我諗番《喋血雙雄》年代，可以將我以往風格放番入去，係監製陳嘉上同老闆嘅意思。」
撰文：馮仁昭
同張涵予對比
《追捕》講述做警察嘅福山，追捕被陷害嘅通緝犯張涵予，吳宇森話：「福山同我以往拍嘅周潤發好接近，溫文爾雅嘅風度、冷靜、人性化同感性。」他對福山讚不絕口：「威尼斯影展播放時，啲人睇佢好似睇周潤發，西方觀眾好熟識周潤發嘅風采、幽默感，周潤發做嘅嘢佢哋會笑，要有咁上下氣質同風度，福山有佢嘅吸引力，佢雖然有正義感，但唔係咁容易流露，所以想搵人性化嘅警探。」吳宇森話福山剛柔並重，同張涵予拍埋有強烈對比。
戲中有雙槍、白鴿嘅畫面，完全係吳宇森一貫風格：「拍完《赤壁》同《太平輪》後，我覺得應該走番自己風格，啱啱接到《追捕》令我諗番《喋血雙雄》年代，可以將我以往風格放番入去，係監製陳嘉上同老闆嘅意思。」
撰文：馮仁昭
回應 (0)
