吳綺莉上月報警稱閉門失竊趁卓林生日破冰

【蘋果日報】吳綺莉上個月報警指屋企被偷走約17萬財物，之後女兒卓林承認返過屋企「拎嘢」，母女關係再度向下跌。
事隔一個月，原來卓林前日18歲生日，吳綺莉同卓林趁呢個機會破冰，吳綺莉昨日喺facebook擺咗一張同卓林慶祝生日嘅相，雖然分別用月球同心心圖案遮住兩人面嘅上半部，但就認得出左邊係卓林，右邊係吳綺莉。
母女二人明顯有笑容，卓林仲捧住個寫有「Happy18th Birthday」嘅蛋糕，吳綺莉留言：「做人要進步，加油努力，感謝天父，每天都在感恩中。」《蘋果》晚上恭喜吳綺莉同卓林和如，吳綺莉以一個合十手勢同心心emoji答謝。