陳瀅目標兩地置業

【蘋果日報】陳瀅、溫碧霞、衛詩雅及楊秀惠等昨日在黃埔出席時裝雜誌頒獎典禮，穿上黑色低胸晚裝裙的陳瀅表示：「條裙原本係台慶着，但係因工作證問題出席唔到，有少少唔開心。」有指陳瀅與何雁詩「分居」後，獨自搬入3,000萬豪宅，陳瀅說：「自己買唔起，依家都係租樓，住邊度就唔講，希望下年買到樓，又想喺加拿大買樓畀婆婆住。」
溫碧霞透露聖誕節將會到峇里度假兼影寫真，她說：「寫真會寫我內心，亦會有泳衣照，比較生活啲。」而過幾天便33歲生日的衛詩雅密密接戲，她謂：「原來買樓係咁大壓力，仲要諗點供，因為買樓花，要過兩年先可以租出去畀人幫我供。」至於近年專注美容生意的楊秀惠說：「要keep好啲皮膚同狀態，如果唔係就冇說服力。」
採訪：張俊銘
攝影：葉君海