余文樂寸JM患病唔宣傳

【蘋果日報】張晉和太太蔡少芬（Ada），余文樂、文詠珊（JM）等，前晚在奧海城出席《狂獸》首映禮。樂仔在台上發言時，公然寸JM沒有幫手做宣傳，但他之後又澄清說：「原來佢患咗手足口病，我依家至知，之前怪錯佢，因為佢要隔離。」樂仔又大呻在片中很多潛水打鬥戲，拍攝過程相當辛苦，但JM卻贈興謂：「我驚水，成部戲得我冇落水戲。」


此外，張晉大呻大女最近發高燒，Ada也說：「個女燒咗5日，41℃，嚇親我。細女走埋嚟問點解家姐咁幸福，有人餵飯，食飯又可以睇電視，都要解釋佢知。」張晉並謂：「呢個禮拜令我明白到照顧小朋友唔易，知道老婆嘅辛苦，我死唔緊要，最緊要老婆喺度。」


採訪：張俊銘

攝影：仇志德