與亨亨結婚9周年李嘉欣：慶幸找到彼此

【蘋果日報】「如果你嫁一個窮人，會說那個人靠你了，如果你嫁一個有錢人，你貪錢，肯定你喜歡錢」…
李嘉欣18歲以選美入行，喺娛圈發展多年，情路崎嶇，曾經試過5年冇拍拖，直至李嘉欣同許晉亨喺2008年拉埋天窗，二人結婚9年，恩愛如昔，不時結伴旅行，出席活動必定拖手示人。
昨日嘉欣喺Ig貼咗一張婚照，留言：「So blessed we found each other.Happy9th Anniversary.」李嘉欣曾接受大陸節目訪問，話自己搵對象係會搵成功人士，認為對方需要事業成功，可以駕馭整個家庭，魅力也在於對方可以承擔到幾多嘢，咁就自然令嘉欣更加愛對方，咁當然係因為亨亨符合呢個條件先令嘉欣著迷，嘉欣喺訪問中都講過自己同老公嘅性格互補，而且老公從來唔會問嘉欣過去嘅事，二人相處咁耐都好少嘈交。