新聞類別
娛樂
詳情#
【蘋果日報】男子組合Shine成員黃又南、徐天佑，前晚喺《蘋果》娛樂facebook專頁《娛果》進行直播，一開始嘅時候，佢哋講明年3月嘅演唱會為咗做到最好，用咗半年時間去練舞、唱歌，之後就唱咗首《半成年》畀大家聽。
出賣霆鋒陳奕迅
除咗唱歌仔，兩個人又玩遊戲，又南就抽中要講出兩位樂壇嘅黑面神，佢就講咗兩位好朋友陳奕迅同謝霆鋒，佢話因為兩個都係獨一無二，仲扮兩位嘅表情。天佑就抽中呢條問題：「除咗陪我去過石澳外，仲陪我做過啲咩？」但天佑就諗唔到係歌詞題，要又南提佢先答到。然後佢哋就抽到幼稚園嘅中文題，得十秒時間作答嘅佢哋，都只係寫幾隻字，佢哋仲好驚訝幼稚園嘅題目竟然咁深。答完一堆問題後，佢哋就唱出《愛迪生》。
之後問Shine有乜嘢想同fans分享，佢哋話：「出道15年嚟，除咗我哋兩個互相成長，仲睇住啲fans一齊成長，有時做騷嘅時候，見到佢哋抱住BB嚟，真係睇住大家成長，佢哋一路支持，今次都想畀佢哋睇到我哋嘅成長，希望可以畀到啲嘢佢哋帶走。」
出賣霆鋒陳奕迅
除咗唱歌仔，兩個人又玩遊戲，又南就抽中要講出兩位樂壇嘅黑面神，佢就講咗兩位好朋友陳奕迅同謝霆鋒，佢話因為兩個都係獨一無二，仲扮兩位嘅表情。天佑就抽中呢條問題：「除咗陪我去過石澳外，仲陪我做過啲咩？」但天佑就諗唔到係歌詞題，要又南提佢先答到。然後佢哋就抽到幼稚園嘅中文題，得十秒時間作答嘅佢哋，都只係寫幾隻字，佢哋仲好驚訝幼稚園嘅題目竟然咁深。答完一堆問題後，佢哋就唱出《愛迪生》。
之後問Shine有乜嘢想同fans分享，佢哋話：「出道15年嚟，除咗我哋兩個互相成長，仲睇住啲fans一齊成長，有時做騷嘅時候，見到佢哋抱住BB嚟，真係睇住大家成長，佢哋一路支持，今次都想畀佢哋睇到我哋嘅成長，希望可以畀到啲嘢佢哋帶走。」
回應 (0)
