新聞類別
娛樂
詳情#
【蘋果日報】【我們的演唱會】盧巧音的《好心分手》、《三角誌》及《落地開花》被網民封為悲情三部曲，過去的盧巧音在愛情、身體和事業都出問題，五年前更跟樂隊Kolor主音老公Sammy齊患抑鬱，曾被病折磨瘦到得90磅的盧巧音說：「有病唔係好羞家一件事！」
珍惜樂仔
現已走出陰霾的盧巧音，將於下月20及21日在旺角麥花臣舉行「RE：TURN演唱會」，日前她在銅鑼灣接受本報專訪說：「以前經歷up and down，但結咗婚再唱呢啲歌，就算唱番《好心分手》，依家係換咗一個態度，分手都唔係好差箒。」問到跟舊愛余文樂有聯絡嗎？她灑脫說：「冇乜必要刻意，再見到會say hello，就算之前點都好，我會珍惜呢段緣份。」
2002年時《好心分手》為盧巧音帶來成功，卻將她推入人生低潮：「攞完獎之後，身體同心理唔係好得，呢個低潮時間有十年，好驚好不安，12年發覺自己有問題就去睇醫生，睇咗三年，我想話有病唔係好羞家一件事，心靈唔舒服都要醫生幫你。」
問到Sammy怎樣幫老婆？盧巧音驚爆老公同患抑鬱：「佢喺我側邊已經OK，其實嗰段時間我哋都有一樣嘅病，一齊去睇醫生，用夫妻感情去對付呢個病，喺陰霾跳番出嚟靠運動，做完出汗好舒暢。之前因為情緒唔好，食咗都唔吸收，最瘦90幾磅。」
「執屋丟獎」
談到現在的婚姻生活，盧巧音幸福說：「依家生活好warm，當情緒唔好，睇乜都係灰色，好番好似喺窿爬番出嚟，獎項對我冇乜所謂，之前執屋啲獎都丟，鼓勵唔係望住獎，係心入面。遺憾當年攞獎之後情緒唔好，好多嘢唔夠落力，依家更加勤力。」
採訪：余燕儀、懷鈺
化妝：Macy Chan
髮型：Matt Chiu of Xenter
服裝提供：HOUSE OF V
場地提供：hmv kafé
珍惜樂仔
現已走出陰霾的盧巧音，將於下月20及21日在旺角麥花臣舉行「RE：TURN演唱會」，日前她在銅鑼灣接受本報專訪說：「以前經歷up and down，但結咗婚再唱呢啲歌，就算唱番《好心分手》，依家係換咗一個態度，分手都唔係好差箒。」問到跟舊愛余文樂有聯絡嗎？她灑脫說：「冇乜必要刻意，再見到會say hello，就算之前點都好，我會珍惜呢段緣份。」
2002年時《好心分手》為盧巧音帶來成功，卻將她推入人生低潮：「攞完獎之後，身體同心理唔係好得，呢個低潮時間有十年，好驚好不安，12年發覺自己有問題就去睇醫生，睇咗三年，我想話有病唔係好羞家一件事，心靈唔舒服都要醫生幫你。」
問到Sammy怎樣幫老婆？盧巧音驚爆老公同患抑鬱：「佢喺我側邊已經OK，其實嗰段時間我哋都有一樣嘅病，一齊去睇醫生，用夫妻感情去對付呢個病，喺陰霾跳番出嚟靠運動，做完出汗好舒暢。之前因為情緒唔好，食咗都唔吸收，最瘦90幾磅。」
「執屋丟獎」
談到現在的婚姻生活，盧巧音幸福說：「依家生活好warm，當情緒唔好，睇乜都係灰色，好番好似喺窿爬番出嚟，獎項對我冇乜所謂，之前執屋啲獎都丟，鼓勵唔係望住獎，係心入面。遺憾當年攞獎之後情緒唔好，好多嘢唔夠落力，依家更加勤力。」
採訪：余燕儀、懷鈺
化妝：Macy Chan
髮型：Matt Chiu of Xenter
服裝提供：HOUSE OF V
場地提供：hmv kafé
回應 (0)
