新聞類別
娛樂
詳情#
【蘋果日報】吳君如和吳鎮宇昨日出席在沙田源和路公園舉行的「蘋果基金慈善行2017」活動，擔任慈善行大使。儀式上，君如、鎮宇向受助家庭贈送物品，君如再祝願受助人士可以早日康復，兩位慈善行大使接過《蘋果日報》社長張劍虹頒發感謝狀後，眾主禮嘉賓主持剪綵儀式，而君如跟鎮宇負責鳴笛及帶領慈善行起步出發。
君如特意帶同囡囡陳是知一齊參與慈善，二人穿着印上「Future is Unlimited」的母女裝現身，君如透露衞衣是囡囡專購的，覺得非常配合是次活動。君如和囡囡與現場其中一名患有眼疾的小朋友交談，君如說：「之前都去過眼科醫院探小朋友，有啲一出世就患有罕有眼疾，同小朋友溝通時，都知佢哋眼好似有磨沙咁，乜都睇唔清，覺得佢哋好慘，咁細個失去視力。」
慷慨捐贈玩具
鎮宇亦談到與9歲囝囝Feynman一齊參加慈善探訪，他說：「之前有帶佢去內地山區探訪，一講做善事，佢可以忍受幾個鐘頭嘅長途車，冇沖涼，冇pizza食，仲好慷慨咁將自己嘅玩具捐出去。」鎮宇笑言Feynman玩具多，捐出一點都是理所當然，君如笑說：「咁你應該唔好再買畀佢。」鎮宇維護囝囝：「男仔幾大都要買玩具，女仔就唔同。」君如即點頭表示認同：「都係，個女（11歲）已經叫我買化妝品同打耳窿。」
此外，吳君如自導自演的瘋狂式喜劇電影《妖妖鈴》將於聖誕檔期上映，君如表示打算將戲名改為《妖鈴鈴》，她笑說：「我哋係咁浮動，《金雞》都係上上吓有個加長版，《妖鈴鈴》係想食番道士揸住個鈴嘅諧音。」當君如介紹該片還有「方中Sir」演出時，鎮宇即笑說：「唔好咁叫呀，人哋會誤會係Benz雄（許紹雄），應該叫『港版Richard Gere（李察基爾）』。」君如笑言此名已過氣，鎮宇即爆料：「噚日有人咁叫佢，佢都仲係chok住樣嚟應喎。」
首執導壓力大
問到首次執導是否很大壓力？君如說：「直情係報應啦，以前俾人服侍慣，依家做導演要服侍班大帝，現場辛苦啲就要氹。開到兩、三點，見面色轉，我就要氹佢哋班大帝笑。」鎮宇即反駁：「佢講到自己好偉大，有冇諗過我哋連續開40晚通宵戲，唔知幾辛苦呀，唞一晚揼骨都唔得。」
採訪：馬建華
攝影：陳俊強
君如特意帶同囡囡陳是知一齊參與慈善，二人穿着印上「Future is Unlimited」的母女裝現身，君如透露衞衣是囡囡專購的，覺得非常配合是次活動。君如和囡囡與現場其中一名患有眼疾的小朋友交談，君如說：「之前都去過眼科醫院探小朋友，有啲一出世就患有罕有眼疾，同小朋友溝通時，都知佢哋眼好似有磨沙咁，乜都睇唔清，覺得佢哋好慘，咁細個失去視力。」
慷慨捐贈玩具
鎮宇亦談到與9歲囝囝Feynman一齊參加慈善探訪，他說：「之前有帶佢去內地山區探訪，一講做善事，佢可以忍受幾個鐘頭嘅長途車，冇沖涼，冇pizza食，仲好慷慨咁將自己嘅玩具捐出去。」鎮宇笑言Feynman玩具多，捐出一點都是理所當然，君如笑說：「咁你應該唔好再買畀佢。」鎮宇維護囝囝：「男仔幾大都要買玩具，女仔就唔同。」君如即點頭表示認同：「都係，個女（11歲）已經叫我買化妝品同打耳窿。」
此外，吳君如自導自演的瘋狂式喜劇電影《妖妖鈴》將於聖誕檔期上映，君如表示打算將戲名改為《妖鈴鈴》，她笑說：「我哋係咁浮動，《金雞》都係上上吓有個加長版，《妖鈴鈴》係想食番道士揸住個鈴嘅諧音。」當君如介紹該片還有「方中Sir」演出時，鎮宇即笑說：「唔好咁叫呀，人哋會誤會係Benz雄（許紹雄），應該叫『港版Richard Gere（李察基爾）』。」君如笑言此名已過氣，鎮宇即爆料：「噚日有人咁叫佢，佢都仲係chok住樣嚟應喎。」
首執導壓力大
問到首次執導是否很大壓力？君如說：「直情係報應啦，以前俾人服侍慣，依家做導演要服侍班大帝，現場辛苦啲就要氹。開到兩、三點，見面色轉，我就要氹佢哋班大帝笑。」鎮宇即反駁：「佢講到自己好偉大，有冇諗過我哋連續開40晚通宵戲，唔知幾辛苦呀，唞一晚揼骨都唔得。」
採訪：馬建華
攝影：陳俊強
回應 (0)
