新聞類別
財經
詳情#
【明報專訊】老字號維他奶陪伴香港人60年，最近推出嘅豆奶系列新包裝仲好鬼潮，小琴好多朋友都話要儲番一套嚟留念，不過維他奶一向都好創新，由20幾年前率先推出紙包裝飲品，到最近推出新款自助售賣機，成日都畀到好大驚喜我哋。
咦？自助售賣機可以有幾創新呢？原來維他奶見到中港兩邊嘅旅客往來愈來愈頻繁，所以推出咗香港首部可以接受人民幣付款嘅飲品自助售賣機，放喺香港嘅邊境地區，方便旅客用人民幣都可以買到維他奶。
接受10元人仔紙幣
家呢部新嘅飲品自助售賣機，已經放咗喺深圳灣、中港碼頭及港澳碼頭嘅香港區域，基本上旅客一過關就可以買到維他奶嘅飲品，實在好窩心！維他奶仲考慮緊喺內地旅客嘅旅遊熱點，即係尖沙嘴、銅鑼灣等等，陸續裝置呢部飲品自助售賣機
回應 (0)
