突退群組　車淑梅心驚

【蘋果日報】港台DJ車淑梅去年曾在電台節目訪問張綠萍，淑梅姐昨日接受電話訪問時，表示跟張綠萍原本有個傑出青年群組保持聯絡，張綠萍為78年傑青，車淑梅為92年傑青，但於數月前，張綠萍突然退出群組，她說：「佢平時會喺群組幫大家打吓氣，講一啲好窩心說話，但早幾個月佢突然退出群組，我個心都驚一驚，於是打畀佢問乜嘢事，當時佢話有啲唔舒服，想清靜吓先，話依家一日比一日好，希望好番之後盡快加入番我哋個群組。」
車淑梅續說：「點知今日就睇到有報道話佢走咗，我都試吓打佢個手提電話，諗住睇吓有冇屋企人接聽，可以慰問一下，點知已經停咗。聽到呢個消息好唔開心，真係好唔捨得。」
採訪：魯吉