新聞類別
娛樂
詳情#
【蘋果日報】黃玉郎前妻倪詩蓓移居新加坡十多年，最近為了17歲自閉症兒子返香港定居，前晚她在九龍灣出席「努力有明天」頒獎典禮。倪詩蓓分享照顧自閉兒子的生活，指獨自照顧兒子處處碰釘：「個仔入咗特殊兒童寄宿學校，每日煮嘢食同去湊佢，都辛苦㗎，唔易行到呢一步，心理上好大傷害，佢好多時發脾氣，啱啱又送咗份聖誕禮物畀我。」
屋企多膠布
倪詩蓓又展示左手貼上的膠布：「身體受咗好多傷，啲朋友話我屋企膠布多過乜。最深刻係兩年前自己喺屋企跌親起唔到身，要爬去打電話叫救護車，個仔冇人照顧，送咗去兒童醫院，我因腳傷要用十個月枴杖。」之後她會出書分享照顧自閉兒子的經驗和秘訣。
被問到張國榮（哥哥）胞姊張綠萍日前病逝，曾經跟哥哥拍拖的倪詩蓓說：「我時間比較緊湊，冇時間睇新聞。決定去新加坡時已經冇同香港嘅朋友聯絡，尤其照顧自閉症嘅仔，佢少咗荷爾蒙，凌晨3、4點先眼瞓，我13年嚟每日都只係瞓3、4個鐘，已經習慣咗。」她稱回港跟前夫黃玉郎都沒有聯絡，她已將時間全放在兒子的身上。
Cally勤探Cash
擔任大會嘉賓的鄺美雲（Cally）最近忙於參選人大代表：「我都有信心㗎，希望大家支持，一號我就會報名。」至於愛犬Cash，Cally一有時間就會去探牠：「佢喺醫院，已經肯食少少嘢，見佢時要正面，畀佢知我錫佢同愛佢。」
採訪：羅慧敏
攝影：陳慧安
屋企多膠布
倪詩蓓又展示左手貼上的膠布：「身體受咗好多傷，啲朋友話我屋企膠布多過乜。最深刻係兩年前自己喺屋企跌親起唔到身，要爬去打電話叫救護車，個仔冇人照顧，送咗去兒童醫院，我因腳傷要用十個月枴杖。」之後她會出書分享照顧自閉兒子的經驗和秘訣。
被問到張國榮（哥哥）胞姊張綠萍日前病逝，曾經跟哥哥拍拖的倪詩蓓說：「我時間比較緊湊，冇時間睇新聞。決定去新加坡時已經冇同香港嘅朋友聯絡，尤其照顧自閉症嘅仔，佢少咗荷爾蒙，凌晨3、4點先眼瞓，我13年嚟每日都只係瞓3、4個鐘，已經習慣咗。」她稱回港跟前夫黃玉郎都沒有聯絡，她已將時間全放在兒子的身上。
Cally勤探Cash
擔任大會嘉賓的鄺美雲（Cally）最近忙於參選人大代表：「我都有信心㗎，希望大家支持，一號我就會報名。」至於愛犬Cash，Cally一有時間就會去探牠：「佢喺醫院，已經肯食少少嘢，見佢時要正面，畀佢知我錫佢同愛佢。」
採訪：羅慧敏
攝影：陳慧安
回應 (0)
