新聞類別
娛樂
詳情#
【蘋果日報】胡渭康將於明年2月喺旺角麥花臣舉行入行35周年演唱會，暫時只演一場，佢日前喺銅鑼灣接受訪問，構思將空中瑜伽搬上舞台。佢話做一場同十場冇分別，今次開騷係老闆林建名提議喺麥花臣搞，仲主動搵場，胡渭康話：「新舊歌都會唱，我啲觀眾十幾歲至八十歲，《伴我啟航》、《黃金戰士》經典歌走唔甩，會諗吓改少少演繹。」
拒放調味料
為咗演唱會，胡渭康已加緊操弗，健身之外仲玩埋空中瑜伽，打算將瑜伽概念帶上舞台，但場地涉及保安、保險等問題，依家仲度緊。操到一身肌肉嘅佢，未決定會唔會晒肌：「又或者除褲呢，安全過除衫，點都有條底褲喺度。」
無論外形同體態胡渭康咁多年都保持狀態，贏得「防腐康」稱號，佢話有賴一星期做足四日運動：「除咗運動要有均衡飲食，我會甩糖，屋企煮嘢唔放調味，大家可以用多啲天然材料煮食，如檸檬、醋、香葉等等。」
撰文：馮仁昭
場地提供：咖啡弄
拒放調味料
為咗演唱會，胡渭康已加緊操弗，健身之外仲玩埋空中瑜伽，打算將瑜伽概念帶上舞台，但場地涉及保安、保險等問題，依家仲度緊。操到一身肌肉嘅佢，未決定會唔會晒肌：「又或者除褲呢，安全過除衫，點都有條底褲喺度。」
無論外形同體態胡渭康咁多年都保持狀態，贏得「防腐康」稱號，佢話有賴一星期做足四日運動：「除咗運動要有均衡飲食，我會甩糖，屋企煮嘢唔放調味，大家可以用多啲天然材料煮食，如檸檬、醋、香葉等等。」
撰文：馮仁昭
場地提供：咖啡弄
回應 (0)
