傳被雪冷藏冇有怕何雁詩自強增曝光率

【蘋果日報】何雁詩喺今年初同鄭俊弘嚟一招「世紀拖手」公告戀情，唔知係咪同男方疑似一腳踏兩船有關，呢段戀情，好似唔係咁受祝福，甚至有傳，佢哋兩個因為戀情而被刪工作，甚至爆出何雁詩患情緒病辭演《誇世代》。
不過，面對逆境，何雁詩選擇積極面對，佢不時更新Instagram等社交網站，保持自己嘅曝光率，又同師妹林穎彤、翟威廉及羅天宇夾band唱live，反而吸到一班網民捧場，所以佢人氣仲保持到。
另一方面，何雁詩又有保持住做運動，間唔時仲上載佢啲做健身片同相上IG，件事又好似正面咗，自然有fans死跟。
的而且確，何雁詩今年只得《味想天開》同《使徒行者2》兩套劇上，但佢仲有劇集《不懂撒嬌的女人》主題曲《我不會撒嬌》同劇集《踩過界》片尾曲《愛近在眼前》，啲歌仲有得播，其實已經比鄭俊弘好。