孫慧雪追回十萬蚊酬勞

【蘋果日報】孫慧雪、陳自瑤（YoYo）及區文詩昨日在銅鑼灣出席護膚品牌發佈會，YoYo以白色tube dress谷胸上陣，俯身時更不經意露出兩吋事業線。問會否擔心無綫的「禁奶令」？YoYo輕鬆說：「我行健康嘅有型路線，今日主題係白色，所以配合大會。」有沒有問過老公王浩信？她說：「唔使，好小事啫，唔係好性感啫！」
孫慧雪早前在facebook呻陀B時接下的一個廣告仍未收到錢，昨日她透露已收到6位數字酬勞：「出post前兩個禮拜，原來對方已經過咗數，但就冇話我聽，之前同呢間公司合作過幾次，對方都係拖咗成年先至畀。」見孫慧雪仍未收身，她表示：「依家餵人奶，未開始收身，想畀BB多啲營養。」
採訪：黃曉妍
攝影：陳慧安