聲演動畫唱主題曲鄧建明改歌玩安仔

【蘋果日報】【今日ENT】許志安跟鄧建明（Joey）首次合作幫迪士尼彼思動畫《玩轉極樂園》（Coco）角色擔任粵語配音，並唱主題曲《Remember Me》中文版。早前他們於九龍灣接受《娛果》的「今日ENT」fb直播訪問，即場演唱多首經典卡通片及日劇主題曲，當然不少得《幪面超人》主題曲。但最抵死的是Joey借卡通片《叮噹》（現稱《多啦A夢》）為名，唱出安仔太太鄭秀文首同名歌《叮噹》，令安仔當下不懂反應。


自爆瀨尿

Joey稱戲中一段感動位跟囝囝Justin有關，主題曲中段出現一把小朋友聲叫「爸爸」，令他想起囝囝小時候：「我諗起個仔細個，我彈結他畀佢聽，佢叫『爸爸』嘅情景。」令安仔感動的同樣來自主題曲：「錄歌時為咗帶出感動位，安排咗電視機播番個場畫面，等我一齊唱，個感覺幾震撼。」安仔稱如果用一個卡通人物形容自己，自己就似小露寶：「大家都好怕曱甴，同埋我獅子座，每次以為自己今次俾人讚喇，但往往唔畀人讚賞。」Joey則最想做一個會變身角色，因為兒時發夢自己成功及飛起：「但第二朝起身發覺瀨咗尿。」　　


採訪：何永寧　

攝影：仇志德