笑劉家良唔浪漫　送花為拜山

【蘋果日報】翁靜晶和劉家良相伴30載，說到浪漫情史，翁靜晶笑言：「劉師傅話浪漫即係浪費。」她指劉師傅是老派人，表達愛和關懷，舉例他買雞蛋仔給她，自己只要說過一次好味，他便會經常買，並且期望自己會好驚喜。她笑稱：「直至有一日，你反面喇，唔想再食喇，咁佢就覺得好無奈好受傷，『點解你會變咗呢？點解雞蛋仔冇變，你變咗呢？』」
除了食物，翁靜晶指師傅都有買過東西送給她：「師傅有時會買啲嘢畀我，譬如買個袋，佢買嗰個袋畀我，我真係唔會鍾意囉！但係如果你係表現得唔鍾意呢，咁就好弊！佢就會好挫敗，以後都唔會再買嘢畀你。」至於送花，翁靜晶說劉師傅認為目的只有一個，不是求婚而是拜山。