蕭若元爆電視台陳姓高層女藝人面前手淫

【蘋果日報】一向盛傳娛圈有「潛規則」，最近荷李活爆出電影大亨Harvey Weinstein曾性侵犯及性騷擾多位影星，女星Alyssa Milano喺網上發起「#MeToo」，鼓勵曾被性侵犯及性騷擾嘅女星一齊發聲，令事件引起全城關注。
昨日有周刊指，香港娛圈都有類似情況，蕭若元同白韻?講出電視台陳姓高層嘅往事，蕭若元稱「潛規則」嘅風氣喺大陸最盛行，佢話曾經有一個選美嘅佳麗同電視台陳姓高層北上公幹，電視台陳姓高層夜晚飲到醉晒去咗佳麗間房拍門，仲拎滅火筒撞門，想破門而入，最終佳麗搵警衛；呢位電視台陳姓高層又試過同一個女藝人傾工作，載咗個同事去荒山野嶺，話自己有性衝動，喺女藝人面前手淫。
報道又話白韻琹就爆有電視台高層向候選佳麗暗示「陪瞓」可以做冠軍，據知早年選美曾有高層搵候選佳麗叫佢哋「識做」就會晉級，事件都驚動成個台，要搵人調查為保形象，低調處理。