新聞類別
娛樂
詳情#
【蘋果日報】【今日ENT】韓國男團GOT7香港成員Jackson（王嘉爾）旋風襲港，昨現身紅磡亮相《娛果fb live》「今日ENT」，接受蒙面估食物的挑戰，錯將雞蛋仔講做「雞仔餅」、馬仔講做「馬蛋」，Jackson尷尬笑：「豈有此理，我發誓係雞仔餅，我成日去買㗎！」當他估中臘腸、撈麵和麻將就興奮到張開手，23歲的他十足大細路。
Jackson於11年參加亞洲青少年劍擊錦標賽，獲得亞洲排名第一位，同年到韓國做練習生，接受三年訓練後，以韓團GOT7出道，今年6月更於內地成立個人工作室。他坦言最掛念香港的茶餐廳和大排檔：「好鍾意芝士豬扒、豉汁蒸䱽魚、菠蘿油，最難忘柯華田恐龍。」還有窩打老道的學校及香港體育學院，因為是他長大的地方。
轉型唔想遺憾
問到為甚麼由劍擊手轉做歌手？Jackson說：「嗰時正職係劍擊手同學生，音樂係自己興趣，08年有人搵我，10年又搵我，搵我兩次係咪去試吓，唔想老咗後悔，同仔講你老竇當年有機會做音樂唔做，唔想有遺憾。」他更清唱幾句自己的新作《OKAY》，他坦言：「《OKAY》係一首sad歌，大家知道我經歷過乜，嗰時狀態得到靈感。」原來今年3月他創作《OKAY》時，曾健康出問題。
感激黑粉攻擊
對於有黑粉存在，Jackson完全不介意：「之前好care，做每一樣嘢都有人鍾意唔鍾意，為唔鍾意嘅人改變自己永遠唔完，我咁care呢啲嘢會忽略鍾意我嘅人，我感激攻擊我嘅人，最驚你連鬧都唔想鬧我。」最後問他有甚麼想跟fans講？Jackson說：「好多人通過綜藝節目認識我，覺得我係咪儍儍哋，我拍綜藝節目係好high，希望大家聽我音樂作品。」
採訪：馮國康、鄒倩婷
攝影：沈健程
化妝：Jun Jiwon
髮型：Kim Jeung Eun
服裝提供：Paik Jihoon
場地提供：香港嘉里酒店
Jackson於11年參加亞洲青少年劍擊錦標賽，獲得亞洲排名第一位，同年到韓國做練習生，接受三年訓練後，以韓團GOT7出道，今年6月更於內地成立個人工作室。他坦言最掛念香港的茶餐廳和大排檔：「好鍾意芝士豬扒、豉汁蒸䱽魚、菠蘿油，最難忘柯華田恐龍。」還有窩打老道的學校及香港體育學院，因為是他長大的地方。
轉型唔想遺憾
問到為甚麼由劍擊手轉做歌手？Jackson說：「嗰時正職係劍擊手同學生，音樂係自己興趣，08年有人搵我，10年又搵我，搵我兩次係咪去試吓，唔想老咗後悔，同仔講你老竇當年有機會做音樂唔做，唔想有遺憾。」他更清唱幾句自己的新作《OKAY》，他坦言：「《OKAY》係一首sad歌，大家知道我經歷過乜，嗰時狀態得到靈感。」原來今年3月他創作《OKAY》時，曾健康出問題。
感激黑粉攻擊
對於有黑粉存在，Jackson完全不介意：「之前好care，做每一樣嘢都有人鍾意唔鍾意，為唔鍾意嘅人改變自己永遠唔完，我咁care呢啲嘢會忽略鍾意我嘅人，我感激攻擊我嘅人，最驚你連鬧都唔想鬧我。」最後問他有甚麼想跟fans講？Jackson說：「好多人通過綜藝節目認識我，覺得我係咪儍儍哋，我拍綜藝節目係好high，希望大家聽我音樂作品。」
採訪：馮國康、鄒倩婷
攝影：沈健程
化妝：Jun Jiwon
髮型：Kim Jeung Eun
服裝提供：Paik Jihoon
場地提供：香港嘉里酒店
回應 (0)
