新聞類別
娛樂
詳情#
【蘋果日報】【俠味道．翁靜晶連載系列之2悲慘童年】在越南出生的翁靜晶，生於破碎家庭，母親在她年幼時離家，最初她由父親照顧，後來因為當地戰亂，她再被安排來香港，主要由婆婆湊大，和媽媽的感情很疏離，媽媽對她要求則似軍訓，經常會打罵。翁靜晶表示，從來沒有忘記母親把她帶到寄宿學校那一天。
寄宿受虐
翁靜晶說：「因為呢刻生離死別，你會想攬下，但因為佢畀我嗰個教育就係軍訓，冇情感㗎，咁我就，『好啊，拜拜！』我就擰轉面。我知道佢一直望住我㗎，但我冇回頭，我唔知有冇人接番我走，我就咁樣行咗去。」
說到在寄宿學校的日子，翁靜晶指經常被虐待：「我俾個校長用板球棍，一支板球棍，打手板，打咗四十幾棍。」她又說：「因為我冇人嚟探我，我媽媽唔嚟探我，差唔多半年、一年咁樣。大部份小朋友，星期五、六就送去大會堂上車返屋企，但我係長年累月冇得返屋企㗎！」
寫信自救
當年翁靜晶想了自救方法，就是寫信給媽媽：「終於識字，就寫咗一封信，求個花王幫我寄出去，一封求救信，寄畀我阿媽，我就寫，『他們說我把花連根拔起，但是我沒有把花連根拔起。』因為我啱啱學咗『連根拔起』呢個成語，於是我就不停重複呢個成語，我話佢哋打我，咁媽媽收到呢封信之後，知道喇，就嚟救我。」
雖然和媽媽有好多誤解，但近年因為定慧寺事件，翁靜晶亦知道媽媽關心她，然而這麼多年她未有再回家，她說：「14歲嗰年我終極反抗，鬧番佢轉頭，我好大聲話我媽媽，仲要佢有朋友喺屋企，我話，『鬧鬧鬧！你淨係識得鬧！』我就講完呢句之後，就離開咗呢個屋企，到依家53歲，都冇返過去喇！」
記者：嵐山、馮國康、倩宜
攝影：陳俊強
寄宿受虐
翁靜晶說：「因為呢刻生離死別，你會想攬下，但因為佢畀我嗰個教育就係軍訓，冇情感㗎，咁我就，『好啊，拜拜！』我就擰轉面。我知道佢一直望住我㗎，但我冇回頭，我唔知有冇人接番我走，我就咁樣行咗去。」
說到在寄宿學校的日子，翁靜晶指經常被虐待：「我俾個校長用板球棍，一支板球棍，打手板，打咗四十幾棍。」她又說：「因為我冇人嚟探我，我媽媽唔嚟探我，差唔多半年、一年咁樣。大部份小朋友，星期五、六就送去大會堂上車返屋企，但我係長年累月冇得返屋企㗎！」
寫信自救
當年翁靜晶想了自救方法，就是寫信給媽媽：「終於識字，就寫咗一封信，求個花王幫我寄出去，一封求救信，寄畀我阿媽，我就寫，『他們說我把花連根拔起，但是我沒有把花連根拔起。』因為我啱啱學咗『連根拔起』呢個成語，於是我就不停重複呢個成語，我話佢哋打我，咁媽媽收到呢封信之後，知道喇，就嚟救我。」
雖然和媽媽有好多誤解，但近年因為定慧寺事件，翁靜晶亦知道媽媽關心她，然而這麼多年她未有再回家，她說：「14歲嗰年我終極反抗，鬧番佢轉頭，我好大聲話我媽媽，仲要佢有朋友喺屋企，我話，『鬧鬧鬧！你淨係識得鬧！』我就講完呢句之後，就離開咗呢個屋企，到依家53歲，都冇返過去喇！」
記者：嵐山、馮國康、倩宜
攝影：陳俊強
回應 (0)
