新聞類別
娛樂
詳情#
【蘋果日報】【俠味道．翁靜晶連載系列之3踏上星途】翁靜晶俠女形象深入民心，現職律師、又做過保險工作，亦曾是當紅女星。翁靜晶接受本報專訪時表示在12歲時，寄照片到周刊，機緣巧合下相片傳到劉芳剛導演手上：「嗰張自拍照係踩住單車，着住短褲。本來寄去周刊，佢會喺你個頭下面畫個身，可以選擇做嫦娥、太空人，但係就去錯咗製片部劉芳剛嗰度，令到我拍咗第一部電視劇。套戲叫做《年青人－風箏》，張國強做我哥哥。」
試鏡贏對手
翁靜晶自言14歲時跟媽媽鬧交後帶同弟弟離家出走，兩姊弟靠賣汽水維生：「冇工作能力都要搵，我搵咗個膠桶，買咗啲冰、買咗啲汽水，兩個人走去淺水灣度賣汽水。」汽水成本價一蚊，但因可愛又拖着弟弟，不少人都願意用三倍價錢買。
她透露跟弟弟準備回家時，遇到媽媽的好友陳欣健。當時陳欣健準備開拍《喝采》，叫她去試鏡。由當時擔任製片的香港小姐孫泳恩幫她化妝，演發羊吊，她堅持要真人示範而被陳百強（Danny）經理人看中，翁靜晶憶述他說：「佢話唔使再試，話我有性格。如果我流晒口水鼻涕試鏡，陳百強見到已經第一個驚咗先，所以呢個啱。」
唔覺自己靚
翁靜晶於第一部電影《喝采》已擔正做女主角，拍陳百強、張國榮和鍾保羅：「對張國榮認識唔多，係之後再拍《楊過與小龍女》，比較認識佢一啲，哥哥同Danny係完全兩個性格嘅人，我覺得哥哥好有天才、好有天份。」
經常被看中拍戲，但翁靜晶從來不覺自己漂亮：「我從來都唔係點化妝，好處係天然囉，冇整過容，唔覺得自己靚。」
採訪：嵐山、馮國康、倩宜
攝影：陳俊強
試鏡贏對手
翁靜晶自言14歲時跟媽媽鬧交後帶同弟弟離家出走，兩姊弟靠賣汽水維生：「冇工作能力都要搵，我搵咗個膠桶，買咗啲冰、買咗啲汽水，兩個人走去淺水灣度賣汽水。」汽水成本價一蚊，但因可愛又拖着弟弟，不少人都願意用三倍價錢買。
她透露跟弟弟準備回家時，遇到媽媽的好友陳欣健。當時陳欣健準備開拍《喝采》，叫她去試鏡。由當時擔任製片的香港小姐孫泳恩幫她化妝，演發羊吊，她堅持要真人示範而被陳百強（Danny）經理人看中，翁靜晶憶述他說：「佢話唔使再試，話我有性格。如果我流晒口水鼻涕試鏡，陳百強見到已經第一個驚咗先，所以呢個啱。」
唔覺自己靚
翁靜晶於第一部電影《喝采》已擔正做女主角，拍陳百強、張國榮和鍾保羅：「對張國榮認識唔多，係之後再拍《楊過與小龍女》，比較認識佢一啲，哥哥同Danny係完全兩個性格嘅人，我覺得哥哥好有天才、好有天份。」
經常被看中拍戲，但翁靜晶從來不覺自己漂亮：「我從來都唔係點化妝，好處係天然囉，冇整過容，唔覺得自己靚。」
採訪：嵐山、馮國康、倩宜
攝影：陳俊強
回應 (0)
