謝安琪加快減肥步伐復出

【蘋果日報】謝安琪（Kay）昨晚產後正式復工，於金鐘出現商場活動，身形依然圓潤，未回復最佳狀態，Kay說：「未算係全面復出，本來諗住下年中至尾，有合適工作先做。因為早咗復出，加快步伐做運動減肥，係意外收穫。阿聰（老公張繼聰）係運動狂熱，依家有伴。」對於老公被無綫封殺，她笑說：「即刻收到好多慰問，又關心我哋生計，話要介紹工作，唔使擔心，工作有安排。」
有傳Kay以8位數字簽約麥浚龍公司，她即迴避指：「數字好複雜，呢啲數好難計。」之前她呻囡囡學發音只叫爸沒有媽，她笑說：「我已經用咗好多方法，佢都冇叫媽咪，好嬲呀！因為我係全職湊佢，見住我都叫爸爸，可能爸爸係佢前世情人，魅力沒法擋，冇辦法。」
採訪：卓寶花
攝影：林賓尼