新聞類別
娛樂
詳情#
【蘋果日報】【俠味道．翁靜晶連載系列之4難忘故友】翁靜晶與陳百強（Danny）被外界視為金童玉女，合演過不少電影，Danny的經典歌《漣漪》更是為女方而寫，但現實中二人未有拍拖，提到歌詞「生活靜靜似是湖水，全為你泛起生氣；全為你泛起了漣漪，歡笑全為你起」，翁靜晶每當勾起回憶也會笑。
錫額頭一啖
在翁靜晶心中，Danny充滿藝術感又浪漫：「如果有個鋼琴，你真係暈㗎喇，佢可以即刻彈首歌出嚟，靚到呢，好似成個人跌咗落好浪漫嘅仙境。」她笑言二人相處有點似兄弟：「佢從來都冇追求過我，呢樣嘢就有啲失望啦。我話『喂，識咗咁耐喇，你好似連一啖都未錫過我喎！』佢就錫咗我額頭一啖，就出咗去同啲男仔一齊玩。我哋感情好單純，大家話題都係食乜嘢、睇乜戲，聽乜歌。」
教識好多嘢
Danny曾帶15歲的翁靜晶去卡地亞ball見識，翁靜晶說：「嗰次主要係介紹我畀佢爸爸識，我大鄉里出城，佢要去唔同嘅餐桌招呼朋友，而我戇居居坐喺度食，食到一半，佢突然攞咗個好似雪糕，我就問佢『食咁少嘢，乜咁快上甜品？』，佢話係用嚟嗽口辟味才食主菜，叫我食兩啖好喇，淑女係唔會食晒，我咪學咗咁樣嘅餐桌禮儀，佢真係教咗我好多嘢。」
想到Danny於92年離世，翁靜晶悼念故友：「如果佢一路活到依家，一定好努力去做運動，好顧自己形象，唔會好似我咁，由得自己咁肥，食咁多嘢。」
記者：嵐山、馮國康、倩宜
攝影：陳俊強
錫額頭一啖
在翁靜晶心中，Danny充滿藝術感又浪漫：「如果有個鋼琴，你真係暈㗎喇，佢可以即刻彈首歌出嚟，靚到呢，好似成個人跌咗落好浪漫嘅仙境。」她笑言二人相處有點似兄弟：「佢從來都冇追求過我，呢樣嘢就有啲失望啦。我話『喂，識咗咁耐喇，你好似連一啖都未錫過我喎！』佢就錫咗我額頭一啖，就出咗去同啲男仔一齊玩。我哋感情好單純，大家話題都係食乜嘢、睇乜戲，聽乜歌。」
教識好多嘢
Danny曾帶15歲的翁靜晶去卡地亞ball見識，翁靜晶說：「嗰次主要係介紹我畀佢爸爸識，我大鄉里出城，佢要去唔同嘅餐桌招呼朋友，而我戇居居坐喺度食，食到一半，佢突然攞咗個好似雪糕，我就問佢『食咁少嘢，乜咁快上甜品？』，佢話係用嚟嗽口辟味才食主菜，叫我食兩啖好喇，淑女係唔會食晒，我咪學咗咁樣嘅餐桌禮儀，佢真係教咗我好多嘢。」
想到Danny於92年離世，翁靜晶悼念故友：「如果佢一路活到依家，一定好努力去做運動，好顧自己形象，唔會好似我咁，由得自己咁肥，食咁多嘢。」
記者：嵐山、馮國康、倩宜
攝影：陳俊強
回應 (0)
