鄭秀文照顧愛犬推外地Job

【蘋果日報】鄭秀文（Sammi）、何嘉莉與邱子傑夫婦昨晚在銅鑼灣利園出席眼鏡店開幕活動，Sammi提到近日忙於照顧家中13歲老狗，因為牠第八神經有問題，不想牠麻醉做手術，故以中醫療法治療：「佢啱啱出院，依家食藥多咗，會尿頻，好似BB仔咁成日要換尿片，晏晝先帶完佢去針灸。」Sammi透露愛犬出事，她扶起牠去睇醫生整親腰：「自己冇睇醫生，緊張佢多啲，體會到自己兒女咁照顧，突然有病都有驚，望住佢我都流眼淚。」問到她有為愛犬祈禱，她表示：「都有，不過生命長短上帝話事，唔希望佢有病有痛，依家佢病咗，睇住佢屙boo boo都好開心，好似做媽咪一樣，照顧小朋友加老人家。」Sammi更透露少出外地工作及與安仔夾時間要留在家中照顧牠。
另外，楊受成就透露再榮升做爺爺，大仔楊其龍的BB於3號出世：「好靚仔，靚仔過我好多，成6磅幾重，未改名，仲有20幾日時間改，英文名就交畀阿仔同新抱改，中文名就我改。」
採訪：羅慧敏
攝影：陳慧安