出道初期肥嘟嘟姜素拉勁減44磅秘訣係...

【蘋果日報】現年27歲嘅韓國女星姜素拉，於2011年演出電影《陽光姐妹淘》而為人熟悉，隨後憑劇集《未生》入屋，近年於多齣劇集擔任女主角，都相當受劇迷喜愛。
自2009年出道後就甚少傳出緋聞嘅姜素拉，去年12月認戀韓劇《秘密花園》35歲男星玄彬，可惜兩人喺前日爆出分訊結束1年情。當分手消息鬧得熱哄哄時，令姜素拉再度引起關注，包括其減肥秘訣都再度被討論。
出道時仲係肥嘟嘟嘅姜素拉，曾喺受訪時表示自己憑做運動、調節飲食成功減咗44磅。據悉姜素拉透過芭蕾舞去減磅及維持身型，同時亦有指佢出席劇集《未生》嘅飯聚時都唔會食嘢。另外，姜素拉亦不時喺Instagram上載自己嘅飲食餐單，只見佢用紙杯裝咗1/3份量嘅蔬菜及水果，再加上少許肉，咁就已經係一餐，相當誇張。