終於大學畢業Double May慘遭校園欺凌

【蘋果日報】杜汶澤新公司嘅實習生「Double May」楊浩兒(Manchester)，之前就接受《蘋果》嘅專訪，解構番自己嘅背景點解改名叫Manchester。
Double May介紹自己話：「我今年23歲喺土生土長香港人，o依家喺澳門科技大學讀新聞系4年級，以前做過體育記者。」至於點解叫Manchester，就係因為夢中男友碧咸，當時碧咸係效力曼聯。
昨日Double May就喺ig留言話被校園欺凌，仲有圖有片，正所謂有圖已有真相，今次仲有片，「兇徒」一定能繩之於法。
是咁的，就讀澳門科技大學新聞系嘅Double May，已經畢業喇，昨日佢就着晒畢業袍行畢業禮（利申：差啲唔認得係Double May，有啲唔慣，因為平時冇咁多布），當然例牌會有好多親友到場祝賀吓佢啦。當佢同一位男性朋友合照留念嘅時候，突然「兇徒」手持「武器」蛋糕，重擊Double May塊面，受到襲擊嘅佢即時倒地，滿臉蛋糕，但係Double May就冇嬲豬，之後仲一面蛋糕咁影番張相留念。