野佬開騷參考齊秦

【蘋果日報】樂隊Yellow（野佬）將於下周五在九展舉行「大約在冬至」演唱會，主音小胡和樂手何兆基、Wilson、Ming So及陳永康日前在觀塘接受訪問，阿基說：「我哋入紙book場時，見22號有期，最重要係星期五，心諗咁好彩，於是嗱嗱聲book，後來先知嗰日係冬至，怪唔得book到。」小胡則謂：「我哋參考齊秦嘅《大約在冬季》隻碟，連海報造型都抄足。」


大家在冬至都會回家吃晚飯，會否有銷情壓力？野佬說：「所以開騷時間係晚上9點，希望大家飯後嚟睇。」此外，野佬推出新歌《嫌小姐》，內容是女朋友對男朋友嫌三嫌四，小胡笑說：「大家有同感，例如去食飯嫌唔好食、嫌貴，出街嫌遠、嫌多人，乜都嫌一餐。」


採訪：曹家誠

攝影：沈健程