新聞類別
娛樂
詳情#
【蘋果日報】恩愛夫妻吳岱融和鍾淑慧為慶祝明年情人節結婚22周年紀念，吳岱融決定開金口唱國語歌《回去愛你十億秒》，送給老婆做禮物，成為兩人的主題曲，日前兩公婆到葵涌親自上陣拍MV，大方在鏡頭前又攬又錫，幸福滿瀉，鍾淑慧甜笑說：「冇尷尬喎，我哋喺屋企成日做嘅，鏡頭前就冇啫，好自然吖，劇情需要。」
打動女人心
吳岱融指歌曲講男人因忙於事業，忽略了太太，他希望鼓勵大家珍惜對方，歌詞中有自己的心聲，如男人不應讓女人流淚。鍾淑慧聞言冧爆說：「第一次聽demo雖然唔係老公唱，但都幾打動女人心，好有吸引力，老公平時只會唱人哋啲歌。」
於20多年前曾做歌手的吳岱融，還跟梁朝偉推出《絕代雙驕》劇集歌曲黑膠碟，相隔多年再唱歌，他說：「我冇壓力，冇諗要得到乜，自己唱開歌，只係冇公開唱。」問有否興趣參加樂壇頒獎禮？他坦言：「完全冇諗呢啲，唔想有呢種壓力，聽歌好得意，人哋鍾意就鍾意，唔使刻意，希望打動到啲情侶。」鍾淑慧笑說：「有咪bonus囉，開心有得玩。」
讚保養得好
歌曲預計於明年情人節兼結婚紀念日在網上推出，吳岱融的20歲兒子參與幕後剪接，他說：「本來想搵model做女主角，但真實啲啦，網絡咁發達，人人都知我太太係邊個，搵第二個反而冇誠意。」做了人妻的鍾淑慧淡出娛樂圈多年，今次再跟老公合作，由於時間緊迫趕不及收身，她坦言最緊要影瘦一些，吳岱融即冧老婆：「想講畀你聽，真係唔使擔心，絕對冇問題，個老公保持得你幾好。」
採訪：卓寶花
攝影：沈健程
打動女人心
吳岱融指歌曲講男人因忙於事業，忽略了太太，他希望鼓勵大家珍惜對方，歌詞中有自己的心聲，如男人不應讓女人流淚。鍾淑慧聞言冧爆說：「第一次聽demo雖然唔係老公唱，但都幾打動女人心，好有吸引力，老公平時只會唱人哋啲歌。」
於20多年前曾做歌手的吳岱融，還跟梁朝偉推出《絕代雙驕》劇集歌曲黑膠碟，相隔多年再唱歌，他說：「我冇壓力，冇諗要得到乜，自己唱開歌，只係冇公開唱。」問有否興趣參加樂壇頒獎禮？他坦言：「完全冇諗呢啲，唔想有呢種壓力，聽歌好得意，人哋鍾意就鍾意，唔使刻意，希望打動到啲情侶。」鍾淑慧笑說：「有咪bonus囉，開心有得玩。」
讚保養得好
歌曲預計於明年情人節兼結婚紀念日在網上推出，吳岱融的20歲兒子參與幕後剪接，他說：「本來想搵model做女主角，但真實啲啦，網絡咁發達，人人都知我太太係邊個，搵第二個反而冇誠意。」做了人妻的鍾淑慧淡出娛樂圈多年，今次再跟老公合作，由於時間緊迫趕不及收身，她坦言最緊要影瘦一些，吳岱融即冧老婆：「想講畀你聽，真係唔使擔心，絕對冇問題，個老公保持得你幾好。」
採訪：卓寶花
攝影：沈健程
回應 (0)
