新聞類別
財經
詳情#
【蘋果日報】「出前一丁」生產商日清食品(1475)噚日掛牌,日清創辦人家族兩代人都攜眷親身到香港支持,其中日清第三代掌舵人、首席執行官安藤清隆嘅太太仲好省鏡。
安藤太太睇落就好日本feel,但唔講唔知,原來佢係台日混血兒,芳名董怡奈。據聞,佢2009年同安藤清隆結婚。董怡奈同樣出身名門,爸爸董烔熙係台灣Canon(佳能)代理商能率集團嘅創辦人,喺台灣有5間上市公司,而且佢今次仲為女婿坐鎮,成為日清食品董事會中,唯一一位非日籍董事,噚日亦有出席上市儀式。
講開上市儀式,現場氣氛亦好熱鬧,皆因公司送畀港交所嘅紀念品,睇到大家嘩嘩聲,就係一包鍍金出前一丁,比例仲要係一比一,公司雖則唔肯透露這包「隆重版」出前一丁值幾錢,但目測應該最少夠買一年份量的出前一丁;而且日清仲搵嚟其招牌公仔「清仔」撐場,隨即吸引在場嘉實爭住合照,等大家暫時忘記吓股價都好嘅。
李華華
LiWaWa@AppleDaily.com
安藤太太睇落就好日本feel,但唔講唔知,原來佢係台日混血兒,芳名董怡奈。據聞,佢2009年同安藤清隆結婚。董怡奈同樣出身名門,爸爸董烔熙係台灣Canon(佳能)代理商能率集團嘅創辦人,喺台灣有5間上市公司,而且佢今次仲為女婿坐鎮,成為日清食品董事會中,唯一一位非日籍董事,噚日亦有出席上市儀式。
講開上市儀式,現場氣氛亦好熱鬧,皆因公司送畀港交所嘅紀念品,睇到大家嘩嘩聲,就係一包鍍金出前一丁,比例仲要係一比一,公司雖則唔肯透露這包「隆重版」出前一丁值幾錢,但目測應該最少夠買一年份量的出前一丁;而且日清仲搵嚟其招牌公仔「清仔」撐場,隨即吸引在場嘉實爭住合照,等大家暫時忘記吓股價都好嘅。
李華華
LiWaWa@AppleDaily.com
回應 (0)