實踐造人計劃？陳智燊40歲生日願望係...

【蘋果日報】陳智燊(Jason)同太太宋熙年(Sarah)，仲有雨僑、何傲兒、何傲芝等，前晚喺中環出席腕錶活動，前日40歲生日嘅Jason稱近日忙拍劇，佢話：「噚晚12點喺廠度拍劇過生日，一班劇組同Sarah神秘現身為佢我慶祝。」Sarah就話：「其實佢忙拍劇我自己又要開工，已經兩、三日冇見到佢，多謝客戶今日搵我哋出席活動，等我哋可以邊搵錢邊一齊過生日。」
Sarah話大前晚收工後見有時間，於是喺最後一刻買咗個細蛋糕，夾埋同劇嘅龔嘉欣入廠畀老公驚喜。嚟緊聖誕節，佢哋就話有意去泰國或越南旅行，問到Jason有咩生日願望？佢話：「自己向來生活檢點，希望嚟緊嘅生活會有突破。」係咪講緊造人大計？Sarah話：「都想，等調理好身體隨時都可以，始終係上天畀嘅禮物。」