周國賢忘詞何韻詩幫拖

【蘋果日報】周國賢（Endy）一連三場演唱會前晚在旺角麥花臣場館舉行最後一場，兩度encore。第二次encore時，Endy唱出何韻詩的《勞斯萊斯》，唱了幾句表示不記得歌詞，隨即邀請坐在控制台的阿詩上台一齊唱，阿詩笑說：「人哋諗住好有型一路喺台下㗎嘛，依家就叫人走上嚟。」一曲過後已經晚上11時45分，Endy再唱出《目黑》為演唱會畫上句號。


Endy完騷後受訪，他透露三女前晚來捧場：「細女用紙盒整咗支結他畀我，仲好有心機用鐵線整咗啲結他弦，叫我一定要拎上台，於是就同結他手夾好，等我可以作狀彈到出聲畀囡囡睇，返到屋企太太話我整喊個女，但唔係感動到喊，而係覺得支結他整得未夠好。」


採訪：曹家誠

攝影：陳慧安