患重型地中海貧血曾遭悔婚C君護前女友：佢唔係嫌棄我病

【蘋果日報】組合農夫近期人氣好旺，成員之一嘅C君(鄭詩君)日前接受周刊訪問，提到自己出世嗰陣已經患有重型地中海貧血，每個月都要入院輸血，同時亦提到佢喺12年本來女友Gloria結婚，點知喺結婚前夕，女方突然悔婚出走，之後Gloria搭上C君好友，搞到C君情緒崩潰。
C君喺訪問度亦都提到呢件事，佢再三強調係誤會，雖然佢哋已經分咗手，不過佢都要講番句公道話，C君話前女友一直都冇因為佢有病而嫌棄佢，只係嗰陣大家都未成熟，再加上結婚係一時衝動，但係唔算係臨時縮沙，因為籌備結婚嘅事都未開始，C君話件事對佢嘅打擊一定會有，不過佢仍然相信愛情，相信婚姻。
o依家C君同港台DJ黃天頤拍咗拖幾年，佢話大家相處得好好，雖然大家未有計劃結婚，但係都朝住呢個目標進發，希望大家嘅感情一直都咁好。C君仲話本身好鍾意小朋友，如果結婚生仔嘅話，都去認真考慮同做多啲檢查，始終照顧小朋友係一件容易嘅事。