新聞類別
娛樂
詳情#
【蘋果日報】【澳門直擊】黎明前晚在澳門舉行演唱會，以金句王見稱的他，金句爆不停，為個唱增添不少歡樂氣氛。其中一個環節是讓觀眾發問，有女觀眾要求：「祝你生日快樂，我都就快生日，可唔可以祝我生日快樂？」黎明即圓其所願：「邊個生日都好，前幾日生又好，過幾日生日都好，總之我喺度祝大家生日快樂！」男觀眾則說：「我永遠支持你，你認唔認得我？希望你永遠唱多啲歌畀我聽。」話未完即被身旁的女士搶咪說：「如果有時限嘅話，我會揀一萬年。」黎明即神回：「放心，我會永遠活喺你哋嘅永遠入面。」
「懵懵哋最幸福」
繼而有中年大叔對黎明說：「恭喜你演唱會順利，我想參加你嘅演唱會已經有十幾年，你啲歌陪住我成長。」此話一出，全場觀眾即哈哈大笑，大叔續說：「喺我荳蔻年華嗰時，已經聽你嘅歌，你嘅音樂陪住我長大，你嘅歌代表咗我嘅青春年代。」黎明笑着回答：「我確係經歷咗好多唔同年代，荳蔻年代，年輕時代。」
黎明全晚多次和台下觀眾握手，有歌迷趁他行近時，大唱生日歌，為本月11日51歲生日的黎明，補添一份祝福。有觀眾突然高呼大讚黎明靚仔，他笑言：「好多人都靚仔過黎明，我嘅座右銘，係唔好做最蠢嘅一個，做人懵懵哋最幸福。」隨後又自爆：「我同曱甴小強好有緣，夜晚喺屋企都會見佢哋出現。我爸爸就驚老鼠，我唔驚，不過我由好驚曱甴，到依家搞到唔驚，正如蝙蝠俠都征服咗蝙蝠。我細個有晚發夢，夢到有曱甴走咗入我耳仔，原來真係有，最終都殘酷地消滅佢哋，呢個世界好多曱甴，大家都有機會面對。」
「行動都要睇運」
近尾聲時，黎明再送金句：「就快新一年，祝大家心想事成，不過心想係唔會事成，諗係唔得，要用個心去行動去做，唔理動作快定慢，快未必啱時機，都要睇運，不過有行動就係好事。」
採訪、攝影：曾小嘉
「懵懵哋最幸福」
繼而有中年大叔對黎明說：「恭喜你演唱會順利，我想參加你嘅演唱會已經有十幾年，你啲歌陪住我成長。」此話一出，全場觀眾即哈哈大笑，大叔續說：「喺我荳蔻年華嗰時，已經聽你嘅歌，你嘅音樂陪住我長大，你嘅歌代表咗我嘅青春年代。」黎明笑着回答：「我確係經歷咗好多唔同年代，荳蔻年代，年輕時代。」
黎明全晚多次和台下觀眾握手，有歌迷趁他行近時，大唱生日歌，為本月11日51歲生日的黎明，補添一份祝福。有觀眾突然高呼大讚黎明靚仔，他笑言：「好多人都靚仔過黎明，我嘅座右銘，係唔好做最蠢嘅一個，做人懵懵哋最幸福。」隨後又自爆：「我同曱甴小強好有緣，夜晚喺屋企都會見佢哋出現。我爸爸就驚老鼠，我唔驚，不過我由好驚曱甴，到依家搞到唔驚，正如蝙蝠俠都征服咗蝙蝠。我細個有晚發夢，夢到有曱甴走咗入我耳仔，原來真係有，最終都殘酷地消滅佢哋，呢個世界好多曱甴，大家都有機會面對。」
「行動都要睇運」
近尾聲時，黎明再送金句：「就快新一年，祝大家心想事成，不過心想係唔會事成，諗係唔得，要用個心去行動去做，唔理動作快定慢，快未必啱時機，都要睇運，不過有行動就係好事。」
採訪、攝影：曾小嘉
回應 (0)
