古天樂買衫狂　收藏有心得

【蘋果日報】古天樂、黃浩然及倪晨曦前晚在銅鑼灣出席日本服裝品牌Mastermind World開幕活動，生意瓣數多多的古仔，表示未有投資時裝業，他說：「鍾意買衫多啲，喺香港好少去街買衫，去到外國可以一手揀衫、試衫、親手畀錢感覺好開心，寧願做消費者。」古仔買衫使錢絕不手軟，他坦言家中還有很多未剪招牌的衣服：「鍾意儲衫，冇統計過用幾多錢買衫。最緊要識得執衫，有啲朋友唔係屋企冇位，係唔識整理，我鍾意自己砌衫，夏天衫同冬天衫一定要分開擺，衣帽間大部份都係放冬天衫，不過整理比較麻煩。」
此外，雖然氣溫驟降，但倪晨曦依然以短裙示人，她表示將會拍愛情劇，並於歐洲取景，雖然親熱鏡頭有限度，她表示會向男友備案：「唔會去到好盡，事前一定會溝通過，會同男朋友講聲。」
採訪：卓寶花
攝影：陳慧安