張國榮胞姊張綠萍喪禮　唐唐守靈

【蘋果日報】張國榮（Leslie）的胞姊張綠萍上月25日因肺病去世，享年77歲，昨日家人為她在香港殯儀館一樓基恩堂設靈，採用佛教儀式，今日早上11時出殯。
眾高官致祭
昨日有不少現任及前任官員到場致祭，包括立法會議員葉劉淑儀、行政會議成員羅范椒芬、財政司司長陳茂波、前政務司司長陳方安生、前布政司鍾逸傑、馬時亨、梁乃鵬、高靜芝、陳潔靈及朱玲玲夫婦等。兩位前特首梁振英及曾蔭權夫婦先後到達，張綠萍女婿、前中大校長劉遵義及表弟潘宗光分別到大門迎接。
潘宗光表示表姐生前篤信佛教，因此喪禮會安排法事誦經，又透露張國榮的另一半唐鶴德（唐唐）已經到場，他說：「佢已經喺上面，我哋同佢好close。表姐同我相差兩個月大，所以我哋一齊成長、一齊讀書，圈子都差唔多，佢為人非常之好，好聰明。」至於其他儀式安排及落葬地點，他就不方便透露：「你問番佢屋企人。」劉遵義只簡單回應記者幾句提問，便返回靈堂內打點。
相交二十年
張之珏導演亦有到靈堂，他表示自己稱呼張綠萍為「傑青大家姐」：「我哋相交二十幾年，佢成日話要多謝我，因為Leslie出道時話要演戲，我度身訂做咗套愛情片畀佢，搵咗毛毛（毛舜筠）襯佢，佢哋好登對。有段時間Leslie同爸爸有拗撬，話唔開心話想避下，嗰時我有兩間房，嚟咗暫住。」又指不時見毛毛來探Leslie，而Leslie成名後亦很念舊，會送他唱片和名牌床上用品。張之珏透露半年前已經知張姊有病，但知對方貪靚不想見人，所以只是託人問候，遺憾再相見時已經在靈堂上，他說：「正面啲諗，佢哋一家人可以夠腳打麻雀。」
採訪：黃曉妍
攝影：陳慧安