IU學生相被瘋傳 網民激讚由細靚到大

【蘋果日報】現年24歲嘅韓國「國民妹妹」IU上月初舉行巡迴演唱會「IU2017 Tour Concert〈Palette〉」，香港更成為是次巡演唯一嘅海外場，認真愛錫港迷。而IU於9號、10號舉行嘅兩場首爾場上，更吸引唔少明星粉絲撐場，包括新婚嘅「雙宋」宋仲基及宋慧喬、朴寶劍、李準基、EXID成員Hani、正花等，場面熱鬧。
IU喺巡演中曾公開自己小時候嘅家族照，近日其學生相就再度引起網民廣泛討論，當中IU無論係長髮定短髮都駕馭得到，一樣咁好睇，吸引唔少網民留言大讚IU靚女，更有網民誇張地表示「受到IU美貌嘅衝擊」，而讀書時期嘅IU同依家一樣都係眼大大，力證係「母胎美女」。