任賢齊拍戲要增肥30磅

【蘋果日報】任賢齊（小齊）昨日身穿馬榮成特別設計的《風雲》單車衣現身尖沙嘴，為明年3月舉行的單車百萬行宣傳，小齊即場跟馬榮成先作單車前哨賽。活動後，小齊趕飛機往台灣跟導演傾劇本，事關套電影需要小齊增肥30磅，之後再拍回變瘦，小齊說：「佢哋可能要記錄埋我增肥同變瘦過程，我營養師好緊張，要檢查我啲指數，始終唔係後生。」
今次預計要長時間拍攝，令小齊自覺歌手同演員身份起了矛盾，因為擔心出騷時被誤會走樣。其實他早前已經為電影犧牲，為角色留滿臉鬚，被人當作中坑，又令仔女看不慣自己鬍鬚樣，幸好趕及聖誕節前完成拍攝，回復青靚白淨樣跟仔女慶祝聖誕節。
採訪：馬建華
攝影：沈健程