新聞類別
娛樂
詳情#
【蘋果日報】
郭富城、馮紹峰、趙麗穎等演出、鄭保瑞執導嘅明年賀歲片《西遊記女兒國》，係星皓影業由2014年賀歲檔開始搞嘅《西遊記》系列，第一部叫《西遊記之大鬧天宮》，上年就叫《西遊記之孫悟空三打白骨精》，之前兩部票房每部都過10億人民幣（約12億港元），唔知第三部主打特效動作喜劇成績又點？
愛奇藝奪得
《女兒國》最大對手相信係安樂嘅《捉妖記2》，雖然暫時唔知鹿死誰手，但網絡版權賣埠方面，星皓先贏一仗，聽講愛奇藝用咗兩億人民幣（約2.4億港元）天價買咗獨家網絡版權，刷新咗電影網絡版權最高價紀錄，星皓公司負責人王海平回應：「《女兒國》網絡版權係賣咗畀愛奇藝，價錢合理，但實際金額唔講得，係商業秘密。」而騰訊就好似以1.5億（約1.8億港元）買咗《捉妖記2》網絡版權。
《西遊記》系列已經成為星皓嘅生招牌，因為呢個系列喺內地好成功，吸引咗香港主板上市公司高雅光學（00907）喺今年10月正式公告，向星皓影業收購咗香港星皓電影發行公司全部股權。
撰文：馮仁昭
郭富城、馮紹峰、趙麗穎等演出、鄭保瑞執導嘅明年賀歲片《西遊記女兒國》，係星皓影業由2014年賀歲檔開始搞嘅《西遊記》系列，第一部叫《西遊記之大鬧天宮》，上年就叫《西遊記之孫悟空三打白骨精》，之前兩部票房每部都過10億人民幣（約12億港元），唔知第三部主打特效動作喜劇成績又點？
愛奇藝奪得
《女兒國》最大對手相信係安樂嘅《捉妖記2》，雖然暫時唔知鹿死誰手，但網絡版權賣埠方面，星皓先贏一仗，聽講愛奇藝用咗兩億人民幣（約2.4億港元）天價買咗獨家網絡版權，刷新咗電影網絡版權最高價紀錄，星皓公司負責人王海平回應：「《女兒國》網絡版權係賣咗畀愛奇藝，價錢合理，但實際金額唔講得，係商業秘密。」而騰訊就好似以1.5億（約1.8億港元）買咗《捉妖記2》網絡版權。
《西遊記》系列已經成為星皓嘅生招牌，因為呢個系列喺內地好成功，吸引咗香港主板上市公司高雅光學（00907）喺今年10月正式公告，向星皓影業收購咗香港星皓電影發行公司全部股權。
撰文：馮仁昭
回應 (0)
