Aka開畫展　坤哥掟2萬冧女

【蘋果日報】女子組合Super Girls成員趙慧珊（Aka）昨日在上環舉行個人畫展「HER」，捐出18幅畫作慈善義賣，除SG隊友、余香凝、伍允龍、翟威廉等好友外，緋聞男友吳業坤亦有撐場。坤哥甫見傳媒即閃出畫廊，不肯拍照，他表示：「公司唔知我嚟。」不過最後坤哥也肯與Aka合照，女方則顯得有點尷尬。
Aka表示籌得20萬善款，她說：「通宵畫畫，好大壓力，我試過發夢得三個人嚟，冇坤哥。」她大爆坤哥以21,600元買了兩幅。問到兩幅畫是否放睡房，坤哥表示：「未諗，Aka鍾意可以畀番佢。」記者笑言可以掛在坤哥家，叫Aka得閒去參觀，坤哥笑說：「唔好，不如掛車度，車頭、車尾都冇所謂，掛喺車可以同佢做宣傳。」
採訪、攝影：馬建華