熊黛林陀B反常狂食嘢

【蘋果日報】陀B已4個月的熊黛林（Lynn），一邊勤力工作，一邊養胎，她日前跟同公司的水原希子、楊穎（Angelababy）、廖碧兒、劉沛蘅（Hillary）為公司拍攝2018年月曆。
眾女打扮索爆出鏡，當中以Lynn的Deep V西裝褸造型最養眼，拍攝當時是她剛陀B一個月，為怕BB「小器」，Lynn只向經理人Kim透露了喜訊，其他工作人員全不知情。Lynn真空上陣，非常火辣，反而經理人Kim擔心她會着涼和太攰，暗催大家加速進度，結果這輯靚相只花了15分鐘拍攝，為Lynn及腹中郭BB留下珍貴回憶，Lynn說：「呢個可能係同BB一齊嘅第一單工作，影完後，我仲喺現場狂食嘢，其他唔知啲同事笑我一反常態。」
撰文：楊定